Sunday 27 October 2013

Til Khava (Mawa) Ladoo Recipe: Til Khoya Laddu Recipe in Marathi

तील खव्याचे लाडू रेसिपी


साहित्य:
  • १०० ग्रॅम भाजलेले तीळ
  • १०० ग्रॅम खवा कुस्करलेला
  • १०० ग्रॅम साखर
  • अर्धा कप चिप्स
कृती:
  • भाजलेले तील मिक्सरमध्ये बारीक करून घ्या.
  • साखरेत थोडसं पाणी घालून पाक तयार करून घ्या.
  • त्यामध्ये तील आणि खवा मिसळा.
  • हे मिश्रण थंड होऊ द्या. थंड झाल्यावर त्याचे लाडू वळून घ्या, वरून चॉकलेट चिप्स लावा, लाडू तयार आहेत.

Saturday 26 October 2013

Chakli Recipe in Marathi: Chakli for Diwali

चकली रेसिपी खास दिवाळी साठी


साहित्य:
  • ४ वाट्या तांदूळ
  • दीड वाटी हरभरा डाळ
  • पाव वाटी मूग डाळ
  • पाव वाटी उडीद डाळ
  • १ चमचा धने
  • १/२ चमचा जिरे
  • १/२ चमचा बडीशेप
  • चकली मसाला एक
  • १/२ चमचा लाल मिरची पावडर
  • आवश्यकतेनुसार मीठ
  • आवश्यकतेनुसार तेल
  • ४ छोटे चमचे मोहनासाठी तेल
Chakli Recipe
कृती:
  • तांदूळ धुवून सावलीमध्ये सुकवून घ्या.
  • कढई गरम करून त्यामध्ये सुकवलेले तांदूळ खरपूस भाजून घ्या.
  • त्याचप्रमाणे तिन्ही डाळी भाजून घ्या.
  • धने, जिरे, बडीशेप भाजून घ्या.
  • सर्व भाजलेली सामग्री एकजीव करा आणि दळून आणा.
  • दळून आणलेले मिश्रण चाळून घ्या.
  • एका पातेल्यामध्ये एक ते दीड ग्लास पाणी गरम करत ठेवा.
  • त्यामध्ये चवीनुसार मीठ, चकली मसाला, लाल मिरची पावडर, ४ चमचे तेल टाकून एक उकळी आणा.
  • त्या पाण्यामध्ये चाळलेलं पीठ टाका, आता एक वाफ आणा.
  • पीठ एकजीव करा, झाकून ठेवून मंद आचेवर ५ मिनिटे शिजू द्या.
  • हे पीठ एका थाळीमध्ये घ्या आणि ते घोटून घ्या, काळजी घ्या कि गीठ्ल्या राहू नयेत. आता कोमट पाणी घालून हे पीठ मळून घ्या.
  • आता पिठाच्या चकल्या पाडून घ्या.
  • गरम तेलामध्ये खरपूस, कुर-कुरित होईपर्यंत तळुन घ्या. कुरकुरीत चकल्या तयार आहेत, ह्या चकल्या बंद डब्यात १५ दिवस छान टिकतात.

Besan Ladoo Recipe in Marathi: Diwali Besan Laddu Recipe

बेसनचे लाडू रेसिपी


साहित्य:
  • १ किलो हरभरा डाळ
  • ३०० ग्राम पिठी साखर
  • ५०० ग्राम तूप
  • १ मोठा चमचा वेलची पूड
  • १/२ वाटी बेदाणे
  • १/२ वाटी काजू तुकडे
  • १/२ चमच जायफळ पूड
  • एक वाटी दुध (आवश्यकता असल्यास)
Besan Ladoo Recipe in Marathi

कृती:
  • कढईमध्ये डाळ मंद आचेवर भाजून घ्या, थंड झाल्यावर ती दळून आणा.
  • दळून आणलेले पीठ चाळून घ्या.
  • एका कढईमध्ये थोडे तूप गरम करा, थोडे-थोडे पीठ घालून भाजून घ्या. पिठाच्या गीठ्ल्या होणार नाहीत याची काळजी घ्या.
  • सर्व पीठ भाजून झाल्यावर ते एका पातेल्या मध्ये काढून घ्या.
  • थोडा वेळ हे पीठ थंड होऊ द्या.
  • त्यामध्ये पिठी साखर, वेलची पूड, जायफळ पूड घालून एकजीव करा.
  • आता हाताने गोल लाडू वळून घ्या. लाडू वळता येत नसतील तर त्यामध्ये दुध घाला.
  • प्रत्यक लाडूला बेदाणा आणि एक काजूचा तुकडा लावा.

Sunday 28 July 2013

Kairi Dudhi Pakoda Recipe: Kairi Dudhi Bhaji

कैरि दुधि पकोडा रेसिपी


साहित्य:
  • एक वाटी किसलेला दुधी
  • एक वाटी कैरचा क़ीस
  • १ चिमुट ओवा
  • अर्धा चमचा लाल तिखट
  • अर्धा चमचा चाट मसाला
  • दीड वाटी बेसन
  • बारीक़ तीन-चार हिरव्या मिरच्या
  • पाच-सहा पुदिन्याची पाने
  • चवीप्रमाणे मीठ
  • तऴण्यासाटी तेल.
  • आवश्यकतेनुसार पाणी
कृती:
  • बेसन चाळून घ्या.त्यामध्ये दुधीचा कीस, केरीचा कीस, ओवा, चिरलेली हिरवी मिरची, चिरलेले पुदिन्याची पाने, चाट मसाला, मीठ व पाणी घालून पीठ चांगले एकजीव करून घ्या.
  • एका कढईमध्ये तेल गरम करून घ्या.
  • त्यामध्ये तयार पीठाचे भजीच्या आकाराचे गोळे बनवून मंद आचेवर तळून घ्या
  • सर्विंग डिशमध्ये काढून घ्या.
  • गरमा गरम भजी हिरव्या चटणीसोबत सर्व्ह करा.

Palak Paneer Recipe: Tasty Spinach Paneer Recipe

पालक पनीर रेसिपी


साहित्य:
  • एक जुडी पालक
  • २०० गरम पनीर तुकडे
  • एक टोमटो
  • एक कांदा
  • एक चमचा आले पेस्ट
  • एक चमचा लसुण पेस्ट
  • ४०० गरम दही
  • एक वाटी बेसन
  • १ ते १/२ चमचा लाल तिखट
  • चवीनुसार मीठ
  • आवश्यकतेनुसार तेल
कृती:
  • प्रथम पालक धुवून चिरून घ्या.
  • बेसन भाजून घ्या.
  • कांदा व टोमटो बारीक चिरून घ्या.
  • पनीरचे लहान लहान तुकडे करून तळून घ्या.
  • कुकरमध्ये मीठ व चिरलेला पालक टाकून एक शिटी करून घ्या.
  • नंतर कुकरमधला पालक चाळणीत ऒतुन पाणी वेगळे करून घ्या.
  • चाळणीतला पालक मिक्सरमधून बारीक वाटून घ्या.
  • एका कढईमध्ये तेल गरम करून कांदा लाल होईपर्यंत भाजून घ्या.
  • नंतर त्यामध्ये आले लसुण पेस्ट, बारीक चिरलेला टोमटो.लाल तिखट टाकून २ ते ३ मिनिट परतवून घ्या.
  • आता त्यामध्ये दही व बेसन ऒतुन एकजीव करून घ्या.
  • वाटलेला पालक व तळलेला पनीर टाकून हलवून घ्या.
  • तसेच गाळून काढलेले पाणी ऒतुन ५ मिनिट उकळवून घ्या.
  • पालक पनीर तयार आहे.
  • चपाती किवा रोटी सोबत सर्व्ह करा.

Sprouted Healthy Indian Chaat Recipe

पौष्टिक चाट रेसिपी


साहित्य:
  • एक वाटी मोड आलेली मटकी
  • एक वाटी मोड आलेली मसूर
  • दोन बारीक चिरलेले कांदे
  • एक चिरलेली काकडी
  • दोन लहान उकडलेले बटाटे
  • अर्धी वाटी भाजलेले शेंगदाणे
  • अर्धी वाटी नारळाचा खीस
  • एक लिंबू
  • दोन चमचे चिरलेली कोथिंबीर
  • एक चमचा चाट मसाला
  • अर्धा चमचा जिरे
  • अर्धा चमचा मोहरी
  • अर्धा चमचा हळद
  • चिमुठभर हिंग
  • ५ ते ६ हिरव्या मिरच्या
  • चवीनुसार मीठ
  • आवश्यकतेनुसार तेल
कृती:
  • प्रथम मोड आलेले मटकी व मसूर एकत्र मिक्सरमधून वाटून घ्या.
  • एका बाउलमध्ये भरडलेली मटकी व मसूर काढून घ्या.
  • आता यामध्ये चिरलेला कांदा, उकडलेला बटाटा, भाजके शेंगदाणे, नारळाचा खीस, मीठ, कोथिंबीर घालून मिक्स करून घ्या.
  • आता कढई मध्ये तेल गरम करून जिरे, मोहरी, हिंग. हळद आणि हिरव्या मिरच्या घालून फोडणी तयार करून घ्या.
  • ही फोडणी तयार मिश्रणावर ओतून घ्या.
  • नंतर लिंबू पिळा व चाट मसाला टाकून सर्विंग बाउल मध्ये काढून घ्या.
  • गरमा गरम सर्व्ह करा.

Thursday 25 July 2013

Kande Pohe Recipe: Kanda Poha Recipe in Marathi कांदे पोहे

कांदे पोहे रेसिपी


साहित्य:
  • दीड वाटी पोहे
  • दोन बारीक चिरलेले कांदे
  • २ ते ३ बारीक चिरलेले हिरव्या मिरच्या
  • अर्धी वाटी शेंगदाणे
  • अर्धा चमचा जिरे
  • अर्धा चमचा मोहरी
  • अर्धा चमचा साखर
  • अर्धा चमचा हळद
  • अर्ध्या लिंबाचा रस
  • ४ ते ५ कडीपता पाने
  • दोन चमचे बारीक चिरलेली कोथिंबीर
  • चवीनुसार मीठ
  • आवश्यकतेनुसार तेल
कृती:
  • प्रथम पोहे निवडून घ्या.
  • चाळणीत टाकून धुवून घ्या, आणि त्यामध्ये साखर व मीठ टाकून मिक्स करा .
  • एका कढई मध्ये तेल गरम करा, त्यामध्ये शेंगदाणे तळून घ्या आणि पोह्यावर टाका.
  • नंतर गरम तेलामध्ये कडीपता, जिरे, मोहरी, चिरलेला कांदा, हळद टाकून परतवून घ्या.
  • आता त्यामध्ये शेंगदाणेसह मिक्स केलेले पोहे टाकून ३ ते ४ मिनिटे परतवून घ्या.
  • नंतर त्यावर चिरलेली कोथिंबीर व लिंबाचा रस टाकून सर्व्ह करा .

God Rava Sheera Recipe: Goda Shira Recipe - गोड शिरा रेसिपी

रव्याचा शिरा रेसिपी


साहित्य:
  • एक वाटी रवा
  • एक वाटी साखर
  • एक चमचा तूप
  • दीड वाटी पाणी
  • अर्धा चमचा वेलची पूड
  • एक चमचा काजू-बदाम तुकडे
कृती:
  • प्रथम एका कढईमध्ये तूप गरम करून रवा गुलाबी रंगाचा होई पर्यंत भाजून घ्या.
  • एका बाजूला पाणी गरम करून त्यामध्ये साखर, वेलची पूड व काजू-बदाम तुकडे टाकून उकळून घ्या.
  • आता त्यामध्ये भाजलेला रवा टाकून चमच्याने एकजीव करा.
  • झाकण ठेवून ५ ते ७ मिनिटे शिजवा, रवा फुलून आला की गॅस बंद करा.
  • गरम गरम सर्व्ह करा.

Rava Upma Recipe: Upeeth Recipe in Marathi - उपमा रेसिपी

उपमा रेसिपी (उपीठ)


साहित्य:
  • एक वाटी रवा
  • एक बारीक चिरलेला कांदा
  • ३ ते ४ चिरलेला हिरव्या मिरच्या
  • दोन चमचे चिरलेली कोथिंबीर
  • अर्धा चमचा हळद
  • अर्धा चमचा जिरे
  • अर्धा चमचा मोहरी
  • अर्धी वाटी बारीक शेव
  • चिमुटभर साखर
  • चवीनुसार मीठ
  • एक ग्लास पाणी
  • एक चमचा तूप
  • आवश्यकतेनुसार तेल
कृती:
  • प्रथम एका कढईमध्ये तूप गरम करून रवा गुलाबी रंगाचा होई पर्यंत भाजून घ्या.
  • आता वेगळ्या कढईत तेल गरम करून जिरे, मोहरी, कांदा, हिरव्या मिरच्या, हळद, मीठ व साखर टाकून चांगले परतवून घ्या.
  • त्या मध्ये एक ग्लास पाणी टाकून एक उकळी येउ द्या.
  • आता त्यामध्ये भाजलेला रवा टाकून चमच्याने एकजीव करा.
  • झाकण ठेवून ५ ते ७ मिनिटे शिजवा, रवा फुलून आला की गॅस बंद करा.
  • आणि सर्विंग बाउलमध्ये काढून कोथिंबीर व शेव टाकून सजवा, गरम गरम सर्व्ह करा.

Monday 22 July 2013

Tomato Capsicum (Dhabu Mirchi) Soup Recipe in Marathi: टोमॅटो ढबू मिरची सूप

टोमॅटो ढबू मिरची सूप


साहित्य:
  • ४ ते ५ टोमॅटो
  • एक वाटी किसलेला चीज
  • दोन ढबू मिरच्या
  • एक वाटी कोणत्याही भाज्या
  • एक मोठा कांदा
  • दोन चमचे कोथिंबीर
  • अर्धा चमचा काळेमिरी पावडर
  • एक चमचा तेल
  • चवीनुसार मीठ
कृती:
  • प्रथम मीठ घालून टोमॅटो शिजवून घ्या.
  • नंतर गॅसवर मिरची भाजून घ्या.
  • आणि त्याची साल काढून टाका.
  • एका कढई मध्ये चिरलेला कांदा व भाज्या तेला मध्ये भाजून घ्या.
  • आता शिजलेल्या टोमॅटोची साल काढून घ्या.
  • टोमॅटो, कांदा, भोपळी मिरची, भाज्या मिक्सर मध्ये बारीक वाटून घ्या.
  • आता त्यामध्ये काळेमिरी टाकून चांगले उकळून घ्या.
  • सर्विंग बाऊल मध्ये काढून चीज व कोथिंबीरने सजवून घ्या.
  • गरम गरम सर्व्ह करा.

Advertisements

Sunday 21 July 2013

Malvani Bangda Fry Recipe: Mackerel Fry Recipe in Marathi: मालवणी बांगडा फ्राय

मालवणी बांगडा फ्राय रेसिपी


साहित्य:
  • ४ बांगडे स्वच्छ धुतलेले
  • चिंचेचा कोळ
  • ३ चमचे तांदळाचे पीठ
  • १ चमचा रवा
  • चवीनुसार मीठ
  • तळण्यासाठी तेल
  • १ चमचा आले-लसणाची पेस्ट
  • १/२ चमचा हळद
  • दीड चमचा मालवणी मसाला
कृती:
  • मास्यांवर सुरी ने चिरा मारून घ्या.
  • सर्व मसाले चिंचेच्या कोळात घाला आणि हे मिश्रण मास्यांना लावा, आणि पाऊन तास मासे मेरीनेट होऊ द्या.
  • एका थाळीमध्ये तांदळाचे पीठ आणि रवा एकजीव करा, त्यामध्ये चवीनुसार मीठ घाला.
  • मास्यांना हे मिश्रण व्यवस्थित लावून घ्या.
  • मंद आचेवर तेलात बांगडे कुरकुरीत भाजून घ्या.
  • मालवणी बांगडा फ्राय तयार आहे, गरम गरम सर्व्ह करा.

Malvani Kolambi Bhaat Recipe: Malvani Prawn Rice in Marathi - कोलंबी भात

कोलंबी भात रेसिपी


साहित्य:
  • दीड वाट्या बासमती तांदूळ
  • १ वाटी ताजी कोलंबी
  • दीड चमचा आले-लसूण पेस्ट
  • २-३ चिरलेल्या ओल्या मिरच्या
  • १ लिंबू
  • १ चिरलेला टोमॅटो
  • चिरलेली कांद्याची पात
  • अर्धा चमचा हळद
  • १/२ मोठा चमचा गरम मसाला
  • १ लहान चमचा लाल तिखट
  • ४ तमालपत्र
  • २-३ मसाला वेलची
  • २-३ काळीमिरी
  • तेल
  • पाव वाटी कोथिंबीर
  • अर्धा वाटी खोबरं
  • मीठ चवीनुसार
  • १ चिरलेला कांदा
कृती:
  • तांदूळ धुऊन, निथळत ठेवा.
  • एका पातेल्यात 3 वाट्या पाणी उकळून बाजूला ठेवा.
  • एका कढई मध्ये तेल गरम करा.
  • त्यामध्ये कांदा परतून घ्या, त्यात तमालपत्र, मसाला वेलची, आले लसूण पेस्ट आणि मिरच्या घाला.
  • मसाला मंद आचेवर चं भाजून घ्या.
  • कोलंबी, गरम मसाला, लाल तिखट, हळद आणि तोमतो घाला, चवीनुसार मीठ घाला.
  • धुतलेले तांदूळ घालून परतून घ्या.
  • त्यामध्ये उकलेले पाणी घाला व भात शिजू द्या.
  • भातातले पाणी कमी झाल्यावर, मंद आचेवर मुरु द्या.
  • पुन्हा हा भात खोबरं, कोथिंबीर, कांद्याची पात आणि लिंबू घालून परतून घ्या.
  • मस्त कोलंबी भात तयार, गरम गरम सर्व्ह करा.

Saturday 20 July 2013

Malvani Kombdi Vade Recipe in Marathi: मालवणी कोंबडी वडे

मालवणी कोंबडी वडे रेसिपी


साहित्य:
  • अर्धा किलो तांदूळ
  • एक वाटी उडीद डाळ
  • एक चमचा धणे
  • एक चमचा मेथ्या
  • ३ ते ४ काळी मिरी
  • चवीनुसार मीठ
  • आवश्यकतेनुसार तेल आणि पाणी
कृती:
Malvani kombdi vade recipe in Marathi, मालवणी कोंबडी वडे
  • तांदूळ स्वच्छ धुवून पातळ कपड्यावर घालून सावलीत सुकवून घ्या.
  • चांगले वाळले की मंद आचेवर तांदूळ, धणे, डाळ, मेथ्या गरम करून बारीक पीठ बनवून घ्या.
  • एक ताटामध्ये पीठ घ्या.
  • त्यात मीठ व गरम पाणी घालून पीठ चांगले मळून घ्या.
  • मळून झालेले पीठ ओल्या कपड्या खाली झाकून ठेवा.
  • ३ ते ४ तास पीठ चांगले भिजू द्या.
  • एका कढई मध्ये तेल गरम करून घ्या.
  • ओल्या कपड्यावर किवा पिशवीवर लिंबा एवडे गोल गोळे बनवून वडे थापून घ्या.
  • गरम तेलात दोन्ही बाजूने लालसर होई पर्यंत भाजून घ्या.
  • चिकन किंवा मटण रास्स्याबरोबर सर्व्ह करा.

Kanda Bhaji Recipe in Marathi: Crispy Onion Pakoda Recipe - कांदा भजी

कांदा भजी रेसिपी


साहित्य:
  • तीन कांदे बारीक चिरलेले
  • ४ ते ५ हिरव्या मिरच्या
  • २ ते ३ चमचे कोथिंबीर
  • दीड वाटी बेसन
  • अर्धा चमचा ओवा
  • अर्धा चमचा जिरे
  • अर्धा चमचा हळद
  • अर्धा चमचा लाल तिखट
  • चिमुटभर सोडा
  • चवीनुसार मीठ
  • आवश्यकतेनुसार तेल
कृती:
  • प्रथम एक कढई मध्ये तेल गरम करत ठेवा.
  • नंतर एका बाउल मध्ये बारीक कांदा, चिरलेल्या हिरव्या मिरच्या, कोथिंबीर, ओवा, जिरे, हळद, लाल तिखट, सोडा, मीठ, बेसन व पाणी घालून एकजीव करून घ्या.
  • वरून थोडे गरम तेल एक चमचा घाला म्हणजे भजी कुरकुरीत लागतील.
  • आता गरम झालेल्या तेलामध्ये भजी सोडून लाल रंगाचे होई परेन भाजून घ्या.
  • गरम गरम चहा सोबत सर्व्ह करा.

Friday 5 July 2013

Matar Paneer Recipe in Marathi: Green Pea Paneer Curry Recipe - मटार पनीर रेसिपी

मटार पनीर रेसिपी


साहित्य:
  • ३०० ग्रम हिरवे मटार
  • २० गरम पनीर तुकडे
  • २ टोमटोची प्युरी
  • २ कांद्याची पेस्ट
  • एक चमचा लसुण पेस्ट
  • एक चमचा आले पेस्ट
  • २ चमचे मलई
  • एक चमचा लाल तिखट
  • एक चमचा गरम मसाला
  • अर्धा चमचा हळद
  • चवीनुसार मीठ
  • आवश्यतेनुसार तेल
कृती:
  • प्रथम हिरवे मटार कुकरला २ शिट्या करून उकडवून घ्या.
  • पनीरचे लहान लहान तुकडे करून तळून घ्या.
  • नंतर कुकरमधले मटार कुस्करून घ्या.
  • एका कढईमध्ये तेल गरम करून कांदा व आले-लसुण पेस्ट गुलाबी होईपर्यंत भाजून घ्या.
  • त्यामध्ये टोमटो प्युरी, मलई, लाल तिखट, हळद, गरम मसाला, चवीनुसार मीठ टाकून २ ते ३ मिनिट परतवून घ्या.
  • आता त्यामध्ये कुस्करलेला मटार ऒतुन एकजीव करून घ्या.
  • त्यामध्येच तळलेला पनीर टाकून हलवून घ्या.
  • तसेच एक वाटी पाणी गरम करून ऒतुन ५ मिनिट उकळवून घ्या.
  • मटार पनीर तयार आहे.
  • गरम गरम पराठ्या सोबत सर्व्हे करा.

Malvani Pomfret Fish Curry Recipe: Malvani Paplet Recipe मालवणी पापलेट रेसिपी

मालवणी पापलेट रेसिपी


साहित्य:
  • पापलेट चे तुकडे २५० ग्रॅम
  • १ चमचा धणेपूड
  • १ चमचा चिंचेचा कोळ
  • ३-४ लाल सुकलेल्या मिरच्या
  • १ चमचा जिरे पावडर
  • १/२ वाटी किसलेलं खोबरं
  • २ कांदे
  • १ टोमॅटो
  • २ चमचा तेल
  • ३-४ काळीमिरी
  • चिमुटभर हळद
  • मीठ चवीनुसार
कृती:
  • पापलेटचे तुकडे करा आणि ते धुवून घ्या.
  • धने आणि जिरे थोडेशे भाजून घ्या, ते मिक्सर मधून काढून घ्या, त्यामध्ये हळद आणि लाल मिरच्या घाला आणि पुन्हा हे मिश्रण मिक्सर मधून काढून घ्या.
  • एक कांदा आणि टोमॅटो चिरून ठेवा.
  • माश्याच्या तुकड्यांना मीठ आणि मिक्सर मध्ये बारीक केलेला मसाला लावा.
  • एक कांदा मिक्सर मधून काढून घ्या, त्या मध्ये किसलेला नारळ आणि काळीमिरी घाला, हे सर्व मिश्रण मिक्सर मधून काढून घ्या.
  • एका पातेल्यात तेल गरम करा, त्यामध्ये कांदा गुलाबी होईपर्यंत भाजून घ्या, त्यामध्ये टोमॅटो घाला आणि हे मिश्रण तेल बाजूला होई पर्यंत परतत राहा.
  • नारळ-कांद्याची पेस्ट त्यात घाला आणि १-२ मिनिटांसाठी शिजू द्या.
  • त्यात दीड कप पाणी ओता आणि उकळी येऊ द्या, त्यात पापलेटचे तुकडे घाला आणि ४-५ मिनिटे शिजू द्या.
  • चिंचेचा कोळ घाला आणि ५ मिनिटे अजून शिजू द्या, मालवणी पापलेट तयार आहे.
  • तांदळाची भाकर किंवा गरम भाताबरोबर सर्व्ह करा.

Monday 24 June 2013

Karnataka Puran Poli Recipe Holige

कर्नाटकी पुरण पोळी


साहित्य:
  • एक वाटी चणाडाळ
  • एक वाटी गुळ
  • एक वाटी खोबरे
  • एक चमचा वेलची पूड
  • एक चमचा जायफळ पूड
  • एक वाटी कणिक
  • एक चमचा मैदा
  • अर्धी वाटी तेल
  • चवीपुरत मीठ
कृती:
  • मैदा व कणिक चाळून घ्या.चवीपुरते मीठ घालून थंड पाण्याने मळून घ्या.
  • आणि कणिक भरपूर तेल लावून वरखाली करून तार येऊ द्या.
  • चणाडाळ व खोबरे जास्त पाणी घालून शिजवून घ्या.
  • शिजलेली डाळ व खोबरे चाळणीत काढून सर्व पाणी काढून घ्या.
  • मग पातेल्यात ऒतुन गुळ, साखर, वेलचीपूड, जायफळपूड घालून परतावी. कोमट असतानाच बारीक पुरण बनवून घ्या.
  • भिजलेल्या कणकेचे तेल लावून गोळे बनवून थोडा थोडा पुरण भरून मैदावर गोलआकार पोळी लाटून घ्या.
  • आणि गरम तव्यावर तेल लावून दोन्ही बाजूनी शेकून घ्या, पोळी दुधाबरोबर सर्व्ह करा.

Saturday 15 June 2013

Mava Puran Poli Recipe: Mavyachi (Khavyachi) Puran Poli in Marathi

खवा घालून पुरण पोळी रेसिपी


साहित्य:

  • १/४ किलो चण्याची डाळ
  • १/४ किलो साखर
  • २ चमचे दुध मसाला
  • १०० ग्रम खवा
  • १/२ चमचा वेलची पूड
  • १/२ चमचा जायफळ पूड
  • २ वाटी कणिक
  • १/२ वाटी मैदा
  • १ चमचा केशर
  • १/२ वाटी तेल
  • चवीपुरतं मीठ

कृती:
  • मैदा व कणिक चाळून घ्या.
  • चवीपुरते मीठ घालून थंड पाण्याने मळून घ्या, आणि कणिक भरपूर तेल लावून वरखाली करून तार येऊ द्या.
  • चणाडाळ पाणी घालून शिजवून घ्या.
  • शिजलेली डाळ चाळणीत ओतुन सर्व पाणी काढून घ्या.
  • मग पातेल्यात ऒतुन खवा, केशर, साखर, वेलचीपूड, जायफळपूड घालून परतावी.
  • कोमट असतानाच बारीक पुरण बनवून घ्या.
  • भिजलेल्या कणकेचे तेल लावून गोळे बनवून थोडा थोडा पुरण भरून तांदुळाच्या पीठवर गोलआकार पोळी लाटून घ्या.
  • गरम तव्यावर तेल लावून दोन्ही बाजूनी शेकून घ्या.
  • डीश मध्ये काढून वरून पिठी साखर भुरभुरा आणि दुधा बरोबर सर्व्ह करा.

Tuesday 11 June 2013

Nagpur Puran Poli Recipe in Marathi

नागपुरी पुरण पोळी रेसिपी


साहित्य:
  • एक वाटी चणाडाळ
  • एक वाटी साखर
  • दोन चमचे तांदूळ
  • एक चमचा वेलची पूड
  • एक चमचा जायफळ पूड
  • एक वाटी कणिक
  • अर्धी वाटी तांदळाचं पीठ
  • एक चमचा मैदा
  • अर्धी वाटी तेल
  • चवीपुरतं मीठ

कृती:
  • मैदा व
    कणिक चाळून घ्या.
  • चवीपुरते मीठ घालून थंड पाण्याने मळून घ्या, आणि कणिक भरपूर तेल लावून वरखाली करून तार येऊ द्या.
  • चणाडाळ व तांदूळ पाणी घालून शिजवून घ्या. शिजलेली डाळ व तांदूळ चाळणीत ओतुन सर्व पाणी काढून घ्या.
  • मग पातेल्यात ऒतुन गुळ, साखर, वेलचीपूड, जायफळपूड घालून परतावी, कोमट असतानाच बारीक पुरण बनवून घ्या.
  • भिजलेल्या कणकेचे तेल लावून गोळे बनवून थोडा थोडा पुरण भरून तांदुळाच्या पीठवर गोलआकार पोळी लाटून घ्या.
  • गरम तव्यावर तेल लावून दोन्ही बाजूनी शेकून घ्या, दुधा बरोबर सर्व्ह करा.

Puneri Puran Poli Recipe in Marathi Language

पुणेरी पुरण पोळी रेसिपी


साहित्य:

  • एक वाटी हरभरा डाळ
  • एक वाटी गुळ
  • दोन चमचे साखर
  • एक चमचा वेलची पूड
  • एक चमचा जायफळ पूड
  • अर्धी वाटी तांदळाचं पीठ
  • एक वाटी कणिक
  • एक चमचा मैदा
  • अर्धी वाटी तेल

कृती:
  • मैदा व कणिक चाळून घ्या.
  • चवीपुरते मीठ घालून कोमट पाण्याने मळून घ्या, आणि कणिक मुरत ठेवा.
  • हरभरा डाळ जास्त पाणी घालून शिजवून घ्या. शिजलेली डाळ चाळणीत काढून सर्व पाणी काढून घ्या.
  • मग पातेल्यात ऒतुन गुळ, साखर, वेलचीपूड, जायफळपूड घालून परतावी.
  • रंगासाठी थोडी हळद घालून थंड करा आणि बारीक पुरण बनवून घ्या.
  • भिजलेल्या कणकेचे तेल लावून गोळे बनवून थोडा थोडा पुरण भरून तांदळाच्या पीठावर गोलआकार पोळी लाटून घ्या.
  • आणि गरम तव्यावर तेल किवा तूप लावून दोन्ही बाजूनी शेकून घ्या, दुधा बरोबर सर्व्ह करा.

Sunday 9 June 2013

Chinese Bhel Recipe in Marathi: चायनीज भेळ रेसिपी

चायनीज भेळ रेसिपी


साहित्य:
  • १ कप कुरमुरे
  • ७-८ पापडी
  • १ चिरलेला कांदा
  • १ चिरलेली काकडी
  • चवीनुसार सोय सॉस
  • चिल्ली सॉस
  • टोमॅटो सॉस
  • व्हिनेगर
  • २ चिरलेल्या हिरव्या मिरच्या
  • १/२ कप मोड आलेले मूग
  • १ कप उकडलेले नूडल्स
  • १ कप मिक्स्ड भाज्या चिरलेल्या (भोपळी मिरची, कोबी, गजर, कांदा)
  • १ मोठा चमचा तेल
  • मीठ चवीनुसार
  • काळीमिरेपूड चवीनुसार
कृती:
  • तेल गरम करून चिरलेल्या भाज्या परतून घ्या.
  • त्यात मिरच्या, मीठ व नूडल्स मिसळा.
  • त्यात थोडं सोय सॉस, व्हिनेगर, व चिल्ली सॉस मिसळा.
  • थोडा वेळ थंड होऊ द्या.
  • नूडल्स व उरलेले सर्व साहित्य मिसळून, सर्व्हिंग डिश मध्ये सर्व्ह करा.

Saturday 8 June 2013

Spinach Roti Recipe: Palak Chapati (पालक चपाती) Recipe in Marathi

पौष्टिक पालक चपाती रेसिपी


साहित्य:
  • १ जुडी चिरलेला पालक
  • ३-४ हिरव्या मिरच्या
  • १/२ जुडी कोथिंबीर
  • ५-६ लसुन पाकळ्या
  • १/२ चमचा जिरे
  • १/२ चमचा हळद
  • २ वाट्या कणिक
  • १/२ वाटी बेसन पीठ
  • १/२ वाटी तांदळाचं पीठ
  • १/२ चमचा जिरे पावडर
  • १/२ चमचा धने पावडर
  • चवीपुरतं मीठ
  • अवशक्तेनुसार तेल
Palak chapati kanik

पालक चपाती कणिक

कृती:
  • प्रथम चिरलेला पालक, चिरलेली कोथिंबीर, हिरव्या मिरच्या, जिरे आणि लसुन पाकळ्या मिक्सरमध्ये बारीक करून घ्या.
  • एका पराती मध्ये कणिक, बेसन पीठ, तांदळाचं पीठ, हळद, जिरे पावडर, धने पावडर आणि मिक्सर मध्ये बारीक केलेलं मिश्रण एकजीव करून घ्या.
  • हे तयार झालेलं पीठ, पातळ ओल्या फडक्या मध्ये १५-२० मिनिटे झाकून ठेवा.
  • नंतर त्याचे चपातीसाठी गोळे बनवून घ्या.
  • तवा गरम करत ठेवा, आणि गोळ्यांच्या चपात्या लाटून घ्या, ह्या चपात्या खरपूस भाजून घ्या.
  • दही, किंवा पुदिना चटणी किंवा लोणच्या सोबत सर्व्ह करा.
Palak chapati

पालक चपात्या

Friday 7 June 2013

Cashew Curry Recipe in Marathi Kaju Kari Recipe - काजू करी रेसिपी

काजू करी रेसिपी


साहित्य:
  • ५० ग्रॅम खरबूज किंवा कालीगड बी
  • १०० ग्रॅम खसखस
  • ६० ग्रॅम खोबरे
  • ५०० ग्रॅम कांदा
  • अर्धा किलो टोमॅटो
  • ५० ग्रॅम काजू
  • ५० ग्रॅम चारोळी
  • १०० ग्रॅम मावा
  • अर्धा चमचा आले पेस्ट
  • अर्धा चमचा जिरे
  • अर्धा चमचा हळद
  • १ ते २ हिरव्या मिरच्या
  • २ चमचे बारीक चिरलेली कोथिंबीर
  • चवीनुसार मीठ
  • आवश्यकतेनुसार तेल
कृती:
  • प्रथम खसखस, खरबूज किंवा कलीगड बी, खोबरे, काजू, चारोळी वाटून घ्या.
  • आणि काजू वेगले वाटून घावे.
  • टोमॅटो प्युरी बनवून घ्या.
  • कांदा टाळून वाटून घ्या.
  • कढईत तेल गरम करून त्यात जिरे, हळद, हिरवी मिरची, आल पेस्ट आणि वाटलेले काजू टाकून तेलामध्ये चांगले परतवून घ्या.
  • नंतर टोमॅटो प्युरी व बारीक केलेला कांदा टाकून ४ ते ५ मिनिटे परतवून घ्या.
  • त्यामध्ये १०० ग्रॅम मावा, गरम मसाला, चवीनुसार मीठ व थोडेसे पाणी घालून मंद आचेवर ५ मिनिटे शिजवून घ्या.
  • आणि काजू व कोथिंबीरने सजवून गरम गरम सर्व्ह करा.

Spinach Yellow Lentils Recipe: Dal Palak Recipe in Marathi

डाळ पालक रेसिपी


साहित्य:
  • तीन वाटी चिरलेला पालक
  • एक वाटी मुगडाळ
  • एक बारीक चिरलेला कांदा
  • अर्धा चमचा जिरे
  • अर्धा चमचा मोहरी
  • अर्धा चमचा हळद
  • अर्धा चमचा चाटमसाला
  • चिमुटभर मिरेपूड
  • चिमुटभर हिंग
  • अर्धा चमचा लिंबाचा रस
  • चवीनुसार मीठ
  • आवश्यकतेनुसार तेल
Dal palak
कृती:
  • प्रथम पालक धुवून चिरून घ्या.
  • मुगडाळ धुवून भिजत ठेवा.
  • कढई मध्ये तेल गरम करा त्यामध्ये जिरे, मोहरी, हिंग, हळद आणि बारीक चिरलेला कांदा चांगला परतवून घ्या.
  • नंतर त्यामध्ये चिरलेला पालक व भिजवलेली मुगडाळ टाकून परतवून घ्या.
  • चवीनुसार मीठ, मिरेपूड, व आवश्यकतेनुसार पाणी घालून ५ मिनिटे शिजवून घ्या.
  • शिजत आल्यावर चाट मसाला व लिंबूचा रस घालुन गरम गरम सर्व्ह करा.

Butter Chicken Recipe in Marathi: बटर चिकन रेसिपी मराठी भाषे मध्ये

बटर चिकन रेसिपी


साहित्य:
  • १ किलो तंदुरी चिकन
  • ३० ग्रॅम दही
  • एक चमचा तेल
  • १ चमचा जिरे
  • २५० ग्रॅम टोमॅटो प्युरी
  • १५० ग्रॅम क्रिंम
  • १ कापलेली हिरवी मिरची
  • १ जुडी कापलेली कोथिंबीर
  • चवीनुसार मीठ
  • आवश्यकतेनुसार तेल
कृती:
  • चिकनचे ८-१० तुकडे करून घ्यावे.
  • तेल व दही गरम करावे.
  • त्यामध्ये जिरे टाकावे नंतर टोमॅटो प्युरी टाकून चांगले परतवून घ्या.
  • २ मिनिटानंतर नंतर चिकनचे तुकडे टाकून ८-१० मिनिटे शिजवावे मधून मधून हालवत राहावे.
  • नंतर क्रिम टाकून एकजीव करून सर्विंग डिशमध्ये काढून कोथिंबीर व हिरव्या मिरचीने सजवून सर्व्ह घ्यावे.

Chicken Biryani Recipe in Marathi चिकन बिर्याणी रेसिपी

चिकन बिर्याणी रेसिपी


साहित्य:
  • ५०० ग्रॅम चिकन तुकडे
  • सव्वा वाटी बासमती तांदूळ
  • १ कापलेला कांदा
  • १० ते १२ लसुन पाकळ्या
  • १ हिरवी मिरची कापलेली
  • १ तुकडा कापलेले आले
  • अर्धा चमचा चिकन मसाला
  • अर्धा चमचा गरम मसाला
  • १ ते २ लहान कापलेले टोमॅटो
  • अर्धा चमचा हळद
  • १ ते २ तमालपत्र
  • २ मसाला वेलची
  • २ लवंग
  • अर्धा चमचा केशर
  • चवीनुसार मीठ
  • आवश्यतेनुसार तेल
कृती:
  • तांदूळ धुवून अर्धा तास पाण्यामध्ये भिजवावे. एक कढईमध्ये तेल गरम करून कांदा, आले-लसुन पेस्ट, हिरवी मिरची टाकून परतवून घ्या.
  • त्यामध्ये चिकनचे तुकडे, चिकन मसाला, गरम मसाला टाकून ४ ते ५ मिनिटे परतवून घ्या.
  • त्यामध्ये मीठ व टोमटो टाकून एक वाफ येऊ द्या.
  • नंतर उतरवून एका बाजूला ठेवा.
  • एका दुसऱ्या कढईमध्ये तांदूळ व २ वाटी पाणी, हळद, तमालपत्र, मसाला वेलची, लवंग, आणि केशर टाकून पाणी सुकेपर्यंत शिजवून घ्या.
  • शिजलेल्या तांदळात चिकन टाकून अलगद मिक्स करावे आणि मंद आचेवर ८-१० मिनिटे ठेवावे.
  • चिकन बिर्याणी तयार आहे, रायता किंवा चिकन रस्स्या बरोबर सर्व्ह करा.

Spicy Vermicelli Recipe in Marathi: Tikhat shevaya in Marathi

तिखट शेवया रेसिपी

साहित्य:
  • २ मोठी वाटी शेवया
  • १ कांदा
  • ३ ते ४ हिरव्या मिरच्या
  • थोडी कोथिंबीर
  • ४ ते ५ कडीपत्याची पाने
  • एक चमचा तूप
  • अर्धा चमचा जिरे
  • अर्धा चमचा मोहरी
  • अर्धा चमचा हळद
  • चवीनुसार मीठ
  • चवीनुसार साखर
  • आवश्यकतेनुसार तेल आणि पाणी


कृती:
  • प्रथम एका कढईमध्ये तूप गरम करून घ्या.
  • त्यामध्ये शेवया खरपूस होईपरेन भाजून घ्या आणि एका ताटामध्ये काढून घ्या.
  • त्याच कढईमध्ये तेल गरम करून कडीपत्याची पाने, जिरे, मोहरी, हिरवी मिरची, बारीक चिरलेला कांदा, आणि हळद घालून परतवून घ्या.
  • त्यामध्ये एक वाटी पाणी व चवीनुसार मीठ, साखर घालून एक उकळी येऊद्या मग त्यामध्ये भाजून घेतलेल्या शेवया मिक्स करून कढईवर झाकण ठेऊन एक वाफ येउ द्या.
  • तिकट शेवया तयार आहेत गरमा गरम सर्व्ह करा.

Chicken Tandoori Recipe in Marathi तंदुरी चिकन रेसिपी

तंदुरी चिकन रेसिपी


साहित्य:
  • १ किलो चिकन
  • १ कापलेला कांदा
  • २ चमचे लिंबू रस
  • १ जुडी कोथिंबीर
  • २ चमचे लसुन पेस्ट
  • २ चमचे आल पेस्ट
  • २२५ ग्रॅम दही
  • २ चमचे मिरची पावडर
  • १ चमचा गरम मसाला
  • अर्धा चमचा वाटलेली मेथी
  • १ चमचा चाट मसाला
  • १ चमचा काळी मिरी वाटलेली
  • ४-६ थेंब खायचा रंग
  • चवीनुसार मीठ
कृती:
  • प्रथम सर्व मसाले एका बाउल मध्ये मिक्स करून घ्यावे.
  • त्या मध्येच मीठ व लाल रंग टाकून ८-१० मिनिटे फेटावे.
  • नंतर चिकनमध्ये सर्व मसाले व रंग टाकून चांगले फेटून घ्यावे.
  • सर्व मसाला चिकनला चांगला लागला पाहिजे.
  • नंतर रात्रभर चिकन मसाल्यात मुरु द्यावे.
  • मधून मधून चिकन हलवत राहावे.
  • मेरीनेटेड चिकन तंदूर मध्ये बेक करावे.
  • किवा ऒवन २२० डिग्री, ४२५° डिग्री.१० मिनिटे बेक करा.नंतर पलटवून ७ मिनिटे बेक करा.
  • तुकडे करून वा आवडीनुसार लिंबू व कोथिंबीर टाकून गरम गरम सर्व्ह करा.

Aamras Recipe: Amba Ras Recipe in Marathi

आमरस रेसिपी


साहित्य:
  • २ आंबे
  • २ चमचे साखर
  • अर्धा चमचा वेलची पूड
Aamras recipe
कृती:
  • आंब्यातील रस काढून घ्या.
  • मिक्सरच्या भांडयामध्ये साखर वेलचीपूड आणि आब्यातील रस मिक्सर मधून फिरवून घ्या.
  • आणि बाउलमध्ये काढून फ्रीजमध्ये १५ ते २० मिनिटे ठेवा.
  • हा रस चपाती किंवा पुरी बरोबर सर्व्ह करा.

Thursday 6 June 2013

Buttermilk Donut Recipe Balushahi Recipe in Marathi

बालुशाही रेसिपी


साहित्य:
  • २ वाटी मैदा
  • २ वाटी साखर
  • अर्धी वाटी दही
  • अर्धी वाटी डालडा
  • चिमुटभर सोडा
  • थोडसं पाणी
  • तळण्यासाठी तेल

कृती:
  • मैदा चाळून ताटात घ्या.
  • त्यामध्ये सोडा, डालडा व दही मिक्स करून मळून घ्या गरजेनुसार पाणी घालून मळून घ्या.
  • ५ ते १० मिनिटे कणिक मुरु द्या.नंतर त्याचे गोल गोळे बनवून घ्या. आणि हातावर थापून मध्ये होल पाडून घ्या.
  • एका कढई मध्ये तेल गरम करून गोळे तळून घ्या.
  • आता दुसरीकडे एका पातेल्यात २ वाटी साखर व त्यामध्ये साखर भिजेल एवढेच पाणी घालून एकतारी पाक बनवून घ्या
  • त्यामध्ये तळून झालेले गोळे टाकून थोडा वेळाने सर्व्हिंग डिशमध्ये काढून घ्या आणि सर्व्ह करा.

Bottle Gourd Roti (Naan) Recipe: Dudhi Naan Recipe in Marathi

खमंग दुधी नान रेसिपी


साहित्य:
  • २ वाटी मैदा
  • २ लहान चमचे साखर
  • ३/४ वाटी दही
  • १ लहान चमचा बेकिंग पावडर
  • १ वाटी किसलेला दुधी
  • ३-४ बारीक चिरलेल्या हिरव्या मिरच्या
  • १ बारीक चिरलेला कांदा
  • १ लहान चमचा जिरे
  • १ लहान चमचा बडीशेप
  • चवीनुसार मीठ
कृती:
  • एका ताठामध्ये मैदा, साखर, बेकिंग पावडर, मीठ, दही, तूप मिक्स करून मळून घ्या.
  • मग आवश्यकतेनुसार पाणी मिक्स करून मळून घ्या.
  • मळून झालेलं पीठ २ तास मुरत ठेवा.
  • एक बाऊलमध्ये चेरलेला कांदा, हिरवी मिरची, दुधी, जिरे, बडीशेप मिक्स करून घ्या.
  • तयार पीठाचे लहान लहान गोळे बनवा आणि पाण्याचा हात लाऊन त्याला नानचा आकार द्या.
  • तवा गरम करून थापलेले नान तव्यावर टाका आणि तयार मसाला पसरवा. आणि नान दोन्ही बाजुंनी कुरकुरीत शेकून घ्या.
  • लोणचे किवां दही सोबत सर्व्ह करा.

Wednesday 5 June 2013

Grapes Muramba Recipe: Drakshancha Murabba Recipe in Marathi

द्राक्षांचा मुरंबा रेसिपी


साहित्य:
  • १ किलो द्राक्षे
  • १ किलो साखर
  • ८-१० थेंब गुलाब पाणी
  • १ ग्राम केशर
कृती:
  • पिकलेले द्राक्ष घेऊन पाण्यात धुवावे व एका स्वच्छ कपड्यावर पसरावे
  • साखरेचा एक तारेचा पाक तयार झाल्यावर त्यामध्ये द्राक्ष टाका
  • गुलाब पाण्याची ८-१० थेंबे व केशर टाका
  • उकळी आल्यावर खाली उतरवून थंड करा, हा मुरंबा काचेच्या बरणी मध्ये भरून ठेवा
  • हा मुरंबा लहान मुले आणि वृद्धांना खूप लाभदायी आहे

Coriander-Mint Green Chutney Recipe: Kothimbir Pudina Chatni Recipe in Marathi

कोथिंबीर-पुदिना हिरवीगार चटणी


साहित्य:
  • १०० ग्रॅम कोथिंबीर
  • दोन तीन कैऱ्या
  • १० ग्रॅम आले
  • एक लहान चमचा जिरे
  • ८-१० लसुन पाकळ्या
  • हिरवी मिरची
  • १ मोठा चमचा तेल
  • मीठ व साखर चवीनुसार
  • दोन मोठे चमचे व्हिनेगर
कृती:
  • सर्व साहित्य मिसळून मिक्सरमधून वाटून घ्या.
  • तेल गरम करून त्यात जिरे टाका.
  • जिरे तडतडल्यावर त्यात चटणी व व्हिनेगर टाकून पाणी सुके पर्यंत शिजवा.
  • थंड करून काचेच्या बरणीत भरून ठेवा.
  • खायला घेताना थोडी पातळ करून घ्या.
  • ८-१० दिवस ही चटणी ठिकून राहते.

Garlic Tamarind Chutney Recipe: Lasun Chinch Chatni Recipe in Marathi

चिंच-लसणाची चटणी


साहित्य:
  • १०-१२ सुक्या लाल मिरच्या
  • ५० ग्रॅम चिंच
  • चवीनुसार मीठ
  • ५० ग्रॅम लसुन
  • एक लहान चमचा जिरे पूड
कृती:
  • चिंच कमीत कमी पाण्यात भिजवून त्याचा कोळ करून घ्या.
  • लसुन सोलून घ्या, लाल मिरची हि पाण्यामध्ये भिजवून घ्या.
  • चिंचेचा कोळ,लसुन, मिरची मिक्स करून वाटून घ्या.
  • मीठ व भाजलेले जिरे मिक्स करा आणि पुन्हा एकत्र वाटा.
  • जिरे शेवटी मिक्स केले कि सुगंध कायम राहतो आता काचेच्या बरणीत भरून ठेवा.

Gajar (Carrorts) Chutney Recipe: Gajarachi Chutney Recipe in Marathi: गाजराची चटणी

गाजराची चटणी रेसिपी


साहित्य:
  • १/२ किलो गाजर
  • ५० ग्रॅम कैरी
  • १/२ चमचा मोहरीपूड
  • चवीनुसार मीठ
  • चवीनुसार मिरची
  • एक चमचा आले-लसुन पेस्ट
  • १/२ पेला व्हिनेगर
  • एक मोठा चमचा तेल
  • ३/४ वाटी साखर
कृती:
  • गाजर व कैरी सॊलुन किसून घ्या.
  • गाजर व कैरीच्या किसात मीठ,मिरची व मोहरीपूड मिक्स करून दोन दिवस ठेवा आणि आधुन मधून हलवत राहा.
  • एका जाड कढई मध्ये तेल गरम करून आले-लसुन पेस्ट परतून त्यामध्ये व्हिनेगर व साखर टाकून उकळा.
  • उकळली आल्यावर गाजर व कैरी कीस टाकून शिजवा.
  • साखर व व्हिनेगरसह चांगलं परतून घ्या आणि थंड करून काचेच्या भारनीत भरून ठेवा.
  • हि चटणी आपण गरम-गरम चपाती किंवा पराठ्या सोबत खाऊ शकता.

Coconut Barfi Recipe: Olya Narlachya Vadya Recipe in Marathi

ओल्या नारळाच्या वडया रेसिपी


साहित्य:
  • एक वाटी ओल्या नारळाचा कीस
  • एक वाटी साखर
  • दोन चमचे तूप
  • चिमुटभर वेलची पावडर
Naral Vadi
कृती:
  • कढई मध्ये तूप गरम करून घ्या
  • त्यामध्ये ओल्या नारळाचा कीस टाकून परतून घ्या
  • त्यामध्ये साखर घालून एक जीव करा साखर विरघळे पर्यंत
  • परतत राहावा.(साखर विरघळत नसेल तर त्या मध्ये थोडसं दुध घाला)
  • नंतर त्यामध्ये वेलची पूड टाकून हलवा आणि गस बंद करा
  • ह्या वड्या फ्रीझे मध्ये १०-१५ दिवस सहज टिकतात

Saturday 1 June 2013

Bottle Gourd Pickle Recipe: Dudhi Pickle Lonche Recipe in Marathi

दुधीच्या लोणच्याची रेसिपी


साहित्य:
  • २५० ग्रॅम दुधी (ताज्या आणि लहान)
  • ४ लहान चमचे मोहरीची डाळ
  • ८ हिरव्या मिरच्या
  • १ लहान चमचा लाल तिखट
  • १/२ लहान चमचा हळद
  • ३ लहान चमचे मीठ
  • १ चमचा वाटलेलं आलं
  • १/२ चमचा व्हिनेगर
  • ४ लहान चमचे मोहरीचे तेल (गरम करून थंड केलेले)
कृती:
  • दुधी धुवून त्याची साल काढून टाका
  • दुधीचे २ इंच लांब तुकडे कापा, उकळत्या पाण्यामध्ये दुधी २ मिनिटे उकळून घ्या
  • पाणी गाळून काढून टाका
  • सर्व मसाले, मोहरीचे तेल आणि दुधी मिसळून बरणीत भरून झाकण लावा
  • २-३ दिवस लोणचे उन्हात ठेवा
  • आता हे लोणचं खाण्यासाठी तयार आहे

Orange Beans Salad Recipe: Santra Chawli Salad Recipe in Marathi

ओरेंज बिन्स सलाड रेसिपी


साहित्य:
  • ३-४ संत्री
  • २ कप वाफवलेली चवळी
  • १ बारीक चिरलेली भोपळी मिरची
  • १ अर्धवट उकडलेलं गाजर
  • १०-१५ अख्रोड्चे तुकडे
  • व्हिनेगर २ चमचे
  • चिमुटभर काळेमिरपूड
  • चवीनुसार मीठ
कृती:
  • संत्री सोलून घ्या, त्याच्या पाकळ्याही सोलून घ्या
  • एका बाउल मध्ये सर्व साहित्य घ्या आणि ते व्यवस्थित एकत्रित मिसळून घ्या
  • त्यावर व्हिनेगर शिंपडा व ते व्यवस्थित मिसळून घ्या
  • काळेमिरपूड आणि मीठ घालून सर्व्ह करा

Orange Carrots Soup Recipe: Santra Gaajar Soup Recipe in Marathi

ओरेंज कॅरट सूप रेसिपी


साहित्य:
  • १ ग्लास संत्र्याचा रस
  • २ मोठी गाजरे
  • लहान आल्याचा तुकडा
  • १ दालचिनीचा तुकडा
  • चिमुटभर काळेमिरपूड
  • २ ग्लास पाणी
  • १ लहान चमचा मध
  • चवीनुसार मीठ
कृती:
  • गाजराचे ३-४ तुकडे करा आणि ती धुवून घ्या
  • ती पाण्यात शिजवून घ्या, त्या मध्ये दालचिनी, मीठ आणि आले टाका, आणि थोडा वेळ उकळू द्या
  • शिजलेली गाजरे मिक्सर मधून काढून घ्या, नंतर हे मिश्रण गाळून घ्या
  • त्यात संत्र्याचा रस घाला
  • मध आणि काळेमिरपूड घाला, सूप तयार आहे
  • हे सूप तुम्ही गरम-गरम, किंवा थंड करून सर्व्ह करू शकता

Sunday 19 May 2013

Amrakhand Recipe: Amrakhand Recipe in Marathi

आम्रखंड रेसिपी


साहित्य:
  • २ वाटी पिकलेल्या आंब्यांचा गर
  • १ वाटी ताजे दही
  • १/४ कप कनडेन्सड मिल्क
  • ४-५ बदाम
  • ४-५ पिस्ते
कृती:
  • बदाम आणि पिस्ते बारीक कापून घ्या
  • आंब्याचा गर, दही, कनडेन्सड मिल्क एकत्र मिक्सर मधून काढून घ्या
  • थोडा वेळ फ्रीजमध्ये ठेवा, सर्व्ह करताना त्यावर बदाम आणि पिस्ते टाका

Mango Rabri Recipe: Amba Rabdi Recipe in Marathi

आंब्याची रबडी रेसिपी


साहित्य:
  • २ वाटी दुध
  • दीड वाटी चिरलेला आंबा
  • साखर गरजेनुसार
  • ५-६ बदाम
  • ५-६ पिस्ते
  • वेलची पूड
  • केसर ४-५ पाकळ्या
कृती:
  • बदाम गरम पाण्यामध्ये भिजत घाला, थोड्यावेळाने साल काढून पातळ चिरून घ्या
  • पिस्त्याचे बारीक तुकडे करून घ्या
  • केसर २-३ चमच दुधात भिजत घाला
  • आंबा १/४ वाटी दुध घालून मिक्सर मधून काढून घ्या
  • राहिलेले दुध एका कढईत ओता, आणि ते जाड होईपर्यंत उकळत ठेवा
  • साखर घालून दुध हलवत राहा
  • साखर विरघळयावर गॅस बंद करा
  • दुध गार झाल्यावर त्यामध्ये, आंबा, बदाम, पिस्ते, केसर, वेलची पूड घाला
  • हे मिश्रण एक जीव करून फ्रीजमध्ये ठेवा
  • थंड झाल्यावर सर्व्ह करा

Mango Delight Recipe: Mango Delight Recipe in Marathi

आंबा डीलाईट रेसिपी


साहित्य:
  • २ पिकलेले आंबे
  • १ कप नारळाचे दुध
  • १/४ चमच वेलची पूड
  • साखर गरजेनुसार
कृती:
  • आंब्याची साल काढून त्याच्या गराची प्युरी बनवून घ्या
  • नारळाच्या दुधात, आंब्याची प्युरी, साखर, वेलची पूड घाला
  • बर्फाचे तुकडे घालून आंबा डीलाईट थंड-गार सर्व्ह करा

Gooseberry Fried Recipe: Fodniche Avle Recipe in Marathi

आंबट, गोड तिखट आवळे


साहित्य:
  • २५० ग्रॅम आवळे
  • दीड चमच तेल
  • अर्धा चमचा हळद
  • १ लहान चमचा लाल तिखट
  • मीठ चवीप्रमाणे
  • १ लहान चमचा बडीशेप
  • मेथीचे दाणे
  • अर्धा चमचा मोहरी
  • अर्धा चमचा जिरे
  • २-४ लाल मिरच्या
कृती:
  • कुकरमधून आवळे वाफवून घ्या
  • बिया काढून त्याच्या फोडी करा
  • कढईत तेल गरम करा त्यात जिरे, मोहरी, बडीशेप मेथीचे दाणे, लाल-तिखट घाला
  • त्यात लाल मिरचीचे तुकडे टाका
  • हळद, मीठ घालून मंद आचेवर शिजू द्या
  • अधून-मधून हलवत राहा
  • आपला वेगळा असा चट-पटीत आवळा तयार आहे

Litchi Sharbat Recipe: Litchi Sharbat Recipe in Marathi

थंड गार लीची सरबत रेसिपी


साहित्य:
  • ३०० ग्रॅम लीची
  • १ वाटी पाणी
  • २-३ चमच मध
कृती:
  • लीचीचा फक्त गर एक वाटी पाणी घालून मिक्सरमधून काढून घ्या
  • त्यार झालेला रस गाळून घ्या
  • त्यामध्ये मध घाला, फ्रीजमध्ये थंड करत ठेवा
  • थोडे आईस क्युब्स टाकून सर्व्ह करा

Muskmelon Sharbat Recipe: Kharbuja Sharbat Recipe in Marathi

ख़रबुजा सरबत् रेसिपि


साहित्य:
  • २ वाटी कापलेले ख़रबुजाचे तुकडे
  • दीड वाटी पाणी
  • ३ चमच मध
कृती:
  • ख़्ररबुज पाण्यात टाकून मिक्सर मधून फिरवून घ्या
  • मिक्सरमधील रस पातल कपडयाने गालून घ्या
  • त्याम्ध्ये मध टाकून एक जिव करा
  • थोडा वेळ फ्रिजमध्ये गार करत ठेवा
  • थोडे आईस क्युब्स टाकून सर्व्ह करा

Sunday 12 May 2013

Kokam Sarbat Recipe: Kokam Sarbat Recipe in Marathi

कोकम सरबत रेसिपी


साहित्य:
  • १ कप कोकम
  • २ कप पाणी
  • २ कप साखर
  • ५-६ वेलची पूड
  • १ भाजलेली चमचा जिरेपूड
  • १-२ चिमुट काळे मिठ किंवा मिठ
कृती:
  • पाण्यात कोरडे कोकम स्वच्छ धुवा
  • २ कप पाण्यामध्ये कोकम ३-४ तास भिजत ठेवा
  • फक्त भिजलेला कोकम ब्लेन्ड करून घ्या, उरलेला पाणी तसच ठेवा
  • थोडं भिजवत ठेवलेलं पाणी ब्लेंडर मध्ये घाला आणि पुन्हा कोकम ब्लेंड करून घ्या
  • उरलेल्या पाण्यात २ कप साखर घाला, साखर घातलेलं मिश्रण व्यवस्थित उकळवून घ्या
  • पाकासारखे घट्ट होऊ द्या हे मिश्रण, नंतर ते थंड होऊ द्या आणि त्यामध्ये ब्लेंड केलेला कोकम घाला
  • त्यामध्ये वेलची पूड, जिरेपूड आणि मीठ घालून हे कोकम सिरप एका बाटलीमध्ये भरून फ्रीजमध्ये ठेवा
  • सर्व्ह करताना, एका ग्लास मध्ये २-३ चमचे कोकम सिरप घ्या त्यामध्ये १ ग्लास पाणी आणि बर्फाचे तुकडे घाला, झकास कोकम सरबत तयार

Friday 10 May 2013

Chicken Korma Recipe in Marathi: चीकेन कोरमा रेसिपी

झणझणीत चिकन कोरमा रेसिपी


साहित्य:
  • १ किलो चिकन
  • तेल
  • ५-६ चमचे तूप
  • ३ चमचे जिरे
  • ७-८ वेलची
  • ५-६ लवंग
  • ३ चमचे लसुन पेस्ट
  • २ चमचा धने पावडर
  • २ चमचा लाल तिखट
  • मीठ चवीनुसार
  • दीड कप दही फेटलेले
  • २ चमचे आले पेस्ट
  • दीड कप कांदे चिरलेले
  • दीड चमचा मटण मसाला
  • २ चमचे केसरी रंग
कृती:
  • पॅन मध्ये तेल गरम करून घ्या, त्यामध्ये वेलची, लवंगा, लसूण घाला आणि नीट परतून घ्या
  • नंतर त्यामध्ये चिकन घाला आणि ४-५ मिनिटांसाठी परतत राहा
  • त्यामध्ये धणे पावडर, आले पेस्ट, लाल तिखट, तळलेला कांदा आणि चवीनुसार मीठ घालून २-३ मिनिटे परतून घ्या
  • नंतर त्यामध्ये फेटलेलं दही घालून २ मिनिटे परतून घ्या, चिकन मसाला आणि केशरी रंग घाला
  • रस्सा अति घट्ट असल्यास थोडा गरम पाणी घालून मंद आचेवर १०-१५ मिनिटे शिजू द्या
  • गरम गरम कोरमा कोथिंबीर घालून सजवा आणि भाकरी किंवा गरम भाताबरोबर सर्व्ह करा

Sunday 5 May 2013

Mixed Green Vegetable Vada: Palebhaji Vade in Marathi

मिक्स्ड पालेभाजीचे वडे


साहित्य:
  • १ कप मूल्याची पाने
  • १ कप पालक
  • १/२ कप मेथीची पाने
  • १/२ कप फ्लॉवरची पाने
  • १/२ कप कोथिंबीर
  • १ कप कोबी
  • १ कप रागीचे पीठ
  • १/२ कप कणिक
  • १/२ कप बेसन
  • २-३ हिरव्या मिरच्या
  • १/२ चमचा लिंबाचा रस
  • तळण्यासाठी तेल
  • चवीनुसार मीठ
कृती:
  • सर्व पालेभाज्या चिरून धुवून घ्या
  • रागीचा पीठ, कणिक आणि बेसन एकत्र करून चाळून घ्या
  • एका बाउलमध्ये सर्व भाज्या, चाळलेले पीठ, मीठ लिंबाचा रस, मिरची पाणी घालून एकत्र करून घ्या
  • एकत्रित केलेल्या कणकेचे गोल चपटे वडे बनवून, मंद आचेवर तळून घ्या
  • गरम-गरम वडे खोबऱ्याच्या चटणीबरोबर सर्व्ह करा

Saturday 4 May 2013

Almond Biscuits (Cookies) Recipe: Badam Biscuit Recipe in Marathi

बदाम बिस्कीट


साहित्य:
  • ३ मोठे चमचे पिठी साखर
  • ५ मोठे चमचे मैदा
  • २ मोठे चमचे तूप
  • २-३ थेंब बदाम इसेन्स
  • २-३ लहान चमचे दुध
  • चिमुटभर बेकिंग पावडर
  • बदाम
  • मीठ
कृती:
  • तूप व साखर फेटून घ्या
  • मैदा, मीठ व बेकिंग पावडर चालून मिक्स करून घ्या
  • इसेन्स व दुध मिक्स करून, एका पोलिथिन मध्ये गुंडाळून १५-२० मिनिटे ठेवून, नंतर लाटून घ्या
  • आवडीच्या आकारामध्ये कापून बेक करा
  • बेक करण्यापूर्वी अंड्यातील पिवळ्या बलकाने किंवा लोण्याने ब्रश करा व बिस्कीटावर बदाम लावा
  • बेक केलेले बिस्कीट, चहा किंवा दुधाबरोबर सर्व्ह करा

Bread Halwa Recipe: Jhatpat Bread Halwa Recipe in Marathi

ब्रेडचा हलवा रेसिपी


साहित्य:
  • ८-१० ब्रेड स्लाईस
  • २-३ मोठे चमचे साजूक तूप
  • १/४ कप साखर
  • ७-८ बदाम
  • ७-८ काजू
  • २-४ हिरव्या वेलची
कृती:
  • स्लाईसचे लहान-लहान तुकडे कापून घ्या.
  • कढईत तूप गरम करून त्यात ब्रेडचे तुकडे परतून घ्या
  • कुरकुरीत झालेल्या ब्रेडचे लहान-लहान तुकडे करून घ्या
  • नंतर त्यामध्ये साखर, वेलचीपूड, दीड कप पाणी टाकून ढवळत हलवा भाजून घ्या
  • काजू-बदाम घालून रेसिपी सजवून सर्व्ह करा

Popular Recipes